ନାୟକ ଆଣ୍ଡ ନାୟକ ନାମକ ଏକ ଯାତ୍ରୀବାହି ବସ୍ ର ଡ୍ରାଇଭର୍ ମଦ ପିଇ ବସ ଟିକୁ ଭୁବନେଶ୍ଵର ଠାରୁ ଢେଙ୍କାନାଳ ଦେଇ ତାଳଚେର ଯାଉଥିବା ସମୟରେ ଯାତ୍ରୀ ମାନଙ୍କ ଠାରୁ ଖବର୍ ପାଇ ଢେଙ୍କାନାଳ ଟାଉନ ଥାନା ପୋଲିସ ପକ୍ଷରୁ ଉକ୍ତ ବସ ଟିକୁ ଅଟକାଇ ଯାଞ୍ଚ କରାଯାଇଥିଲା l ପୋଲିସ ବ୍ରେଥ୍ ଆନାଲାଇଜର ମାଧ୍ୟମରେ ଯାଞ୍ଚ କରିଥିବାବେଳେ ଡ୍ରାଇଭର ଟି ମଦ ପିଇଥୂବା ଜଣାପଡ଼ିଥିଲା l ପୋଲିସ ଡ୍ରାଇଭର କୁ ଅଟକ ରଖିଥିବାବେଳେ ତାର ଲାଇସେନ୍ସ ଟିକୁ ତିନି ମାସ ବାତିଲ କରିବାକୁ ଜିଲ୍ଲା ଆଂଚଳିକ ପରିବହନ ଅଧିକାରୀ ଜଣାଇଛନ୍ତି l ଜନସାଧାରଣ ରେ ଦାବୀ ହେଉଛି କଟକ, ଅନୁଗୁଳ, ତାଳଚେର ଠାରୁ ଆସୁଥିବା ପ୍ରତ୍ୟେକ ଗାଡି ଗୁଡିକୁ ଯେପରି କାଗଜପତ୍ର ଯାଞ୍ଚ କରାଯାଉଛି ସେହିପରି ମଦ୍ୟପ ଡ୍ରାଇଭର ର ଯାଞ୍ଚ କରାଗଲେ ବହୁ ଧନଜୀବନ ନଷ୍ଟ ହେବାରୁ ବଞ୍ଚିଯାଇ ପାରିବ l
