ଢେଙ୍କାନାଳ ଜିଲ୍ଲା ଭୁବନ ବ୍ଲକ ମଠକରଗୋଲା ପଞ୍ଚାୟତ ଅନ୍ତର୍ଗତ ନୂଆସାହି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଘଟିଛି ଏକ ଅଭିନବ ଘଟଣା l ବିଦ୍ୟାଳୟ ର ଛାତ୍ରଛାତ୍ରୀ ମଧ୍ୟାହ୍ନ ଭୋଜନ କରୁଥିବା ସମୟରେ ସେହି ଗ୍ରାମର ଦୀପକ କୁମାର ସ୍ଵାଇଁ ନାମକ ଜଣେ ଯୁବକ ବିଦ୍ୟାଳୟ ରେ ନିମ୍ନମାନର ଖାଦ୍ୟ ଦେଉଥିବା ର ଅଭିଯୋଗ କରି ଛାତ୍ରଛାତ୍ରୀ ମାନଙ୍କର ଖାଦ୍ୟ ଥାଳି ଗୁଡିକ ଫୋପାଡ଼ି ଦେଇଥିଲା l ଏବିଷୟରେ ଅଭିଭାବକ ମାନଙ୍କୁ ଅବଗତି ପାଇଁ ଛାତ୍ରଛାତ୍ରୀ ଙ୍କୁ ତାଗିଦ କରିଥିଲା l ଯୁବକ ଜଣକ ଙ୍କ ଏପରି ଆଚରଣ ଦେଖି ଛାତ୍ରଛାତ୍ରୀ ମାନେ ଭୟଭୀତ ହୋଇଯାଇଥିଲେ l ଯୁବକ ଜଣକ ଏହି ବିଷୟରେ ଶିକ୍ଷକ ଶିକ୍ଷୟତ୍ରୀ ଙ୍କ ସହ ପାଟିତୁଣ୍ଡ କରିଥିଲେ l ପ୍ରଧାନ ଶିକ୍ଷକ ଅଭିଭାବକ ଙ୍କ ସହ ଆଲୋଚନା କରି ଥାନାରେ ଅଭିଯୋଗ କରିଲା ପରେ ଯୁବକ ଜଣଙ୍କୁ ଥାନାରେ ଡକାଯାଇ ପଚରା ଉଚରା କରାଯାଇ ଛାଡି ଦିଆଯାଇଥିଲା l ଏହି ଘଟଣା ପରେ ଅଭିଭାବକ ଓ ଛାତ୍ରଛାତ୍ରୀମାନେ ଧାରଣା ରେ ବସି ତାଙ୍କୁ ତୁରନ୍ତ ଗିରଫ କରିବା ପାଇଁ ଦାବୀ କରିଛନ୍ତି l
