ହକି ଆସୋସିଏସନ ଅଫ ଓଡିଶା ପକ୍ଷରୁ କିଟ୍ ବିଶ୍ୱବିଦ୍ୟାଳୟ ହକି ପଡିଆ ରେ ଅନୁଷ୍ଠିତ ହୋଇଥିବା ସବ ଜୁନିଅର ମହିଳା ହକି ପ୍ରତିଯୋଗିତା ୮ ତାରିଖ ରୁ ୧୨ ତାରିଖ ପର୍ଯ୍ୟନ୍ତ ଚାଲିଥିଲା l ଫାଇନାଲ ମ୍ୟାଚ ରେ ଢେଙ୍କାନାଳ ଜିଲ୍ଲା ୬ – ୦ ଗୋଲ୍ ରେ ସୁନ୍ଦରଗଡ଼ ଜିଲ୍ଲା କୁ ପରାସ୍ତ କରି ଚାମ୍ପିୟନ ହୋଇଥିଲା l ପ୍ରାରମ୍ଭିକ ମ୍ୟାଚ ରେ ଢେଙ୍କାନାଳ ଜିଲ୍ଲା ନବରଙ୍ଗପୁର, ନୟାଗଡ଼, କିଟ୍ /କିସ୍ ବିଶ୍ୱବିଦ୍ୟାଳୟ କୁ ପରାସ୍ତ କରି ଫାଇନାଲ୍ କୁ ଉତ୍ତୀର୍ଣ୍ଣ ହୋଇଥିଲା l ଢେଙ୍କାନାଳ ଜିଲ୍ଲାପାଳ ଙ୍କ କାର୍ଯ୍ୟାଳୟ ଠାରେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ ଚାମ୍ପିଅନ୍ ଦଳ ର ସମସ୍ତ ଖେଳାଳୀ, କୋଚ, ଏବଂ ଦଳର ପ୍ରତିନିଧି ମାନଙ୍କୁ ସ୍ଵାଗତ, ଶୁଭେଚ୍ଛା, ସମ୍ବର୍ଦ୍ଧନା ଜଣାଇଥିଲେ l ଏହି କାର୍ଯ୍ୟକ୍ରମରେ ଜିଲ୍ଲା କ୍ରୀଡା ଅଧିକାରୀ ପ୍ରଦୀପ୍ତ କୁମାର ମହାନ୍ତି ଉପସ୍ଥିତ ରହି ଖେଳାଳୀ ମାନଙ୍କୁ ଉତ୍ସାହିତ କରିବା ସହ ଶୁଭ କାମନା ଅର୍ପଣ କରିଥିଲେ l
