କଟକ ଠାରୁ ଅନଗୁଳ ପର୍ଯ୍ୟନ୍ତ ଯାଇଥିବା ୫୫ ନଂ ଜାତୀୟ ରାଜପଥର ଦୁରାବସ୍ଥା ଓ ସମ୍ପ୍ରସାରଣ କାର୍ଯ୍ୟ ର ଅହେତୁକ ବିଳମ୍ବ ପ୍ରତିବାଦରେ ୧୨ ଘଣ୍ଟିଆ ବନ୍ଦ ପାଳନ କରାଯାଇଛି l ଏପ୍ରିଲ ମାସ ବୈଠକରେ ଜିଲ୍ଲାପାଳ, ଓକିଲ ସଂଘ, ଜାତୀୟ ରାଜପଥ ପ୍ରାଧିକରଣ କର୍ତ୍ତୃପକ୍ଷ ଙ୍କ ମିଳିତ ବୈଠକ ରେ ଜୁନ ଶେଷ ସୁଦ୍ଧା ଏହାର କାର୍ଯ୍ୟ ସମାପ୍ତ କରିବା ପାଇଁ ନିଷ୍ପତ୍ତି ହୋଇଥିଲା l ମାତ୍ର ଏହା କାର୍ଯ୍ୟକାରୀ ନହେବା ଦ୍ଵାରା ପ୍ରାୟ ସବୁଦିନ ଏହି ରାଜପଥ ଉପରେ ଛୋଟ ବଡ଼ ଦୁର୍ଘଟଣା ଘଟି ଧନ ଜୀବନ ହାନି ହେଉଛି l ଏହାର ପ୍ରତିବାଦ ରେ ଢେଙ୍କାନାଳ ଓକିଲ ସଂଘ, ସାମ୍ବାଦିକ ସଂଘ, ମିଳିତ ବଜାର ପୂଜା କମିଟି, ମିଳିତ କ୍ରିୟାନୁଷ୍ଠାନ କମିଟି, ଟ୍ରକ ଓ ବସ ମାଲିକ ସଂଘ, ବ୍ୟବସାୟୀ ସଂଘ, ସମସ୍ତ ରାଜନୈତିକ ଦଳ, ବିଭିନ୍ନ ସାଂସ୍କୃତିକ ଓ ସାମାଜିକ ସଂଗଠନ ପକ୍ଷରୁ ଏହି ବନ୍ଦ ପାଳନ କରାଯାଇଛି l ଆନ୍ଦୋଳନ କାରୀ ମାନେ ଏକ ବିରାଟ ଶୋଭାଯାତ୍ରାରେ ବାହାରି ସହର ପରିକ୍ରମା କରି ଜାତୀୟ ରାଜପଥ ପ୍ରାଧିକରଣ କାର୍ଯ୍ୟାଳୟ ରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିବା ସହ କାର୍ଯ୍ୟାଳୟ କୁ ଅନିର୍ଦ୍ଦିଷ୍ଟ କାଳ ପାଇଁ ତାଲା ପକାଇ ଦେଇଥିଲେ l ଏବଂ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ ଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି
